Participa
Programa
21 horas de curso organizadas da seguinte forma:
- 5 sesións en liña de 3 horas (horario de 17:00h a 20:00h)
- 1 sesión titorizada de 3 horas (horario a decidir entre docentes e alumnado)
- 1 sesión presencial final de 3 horas que terá lugar nas instalacións do Parque Tecnolóxico de Galicia (horario de 17:00h a 20:00h)
Calendario
Docencia
Patricia Barciela traballa desde 1995 nos Museos Científicos Coruñeses e desde 1998 desempeña a dirección técnica da Domus, un museo interactivo dedicado ao ser humano con máis de 150 módulos interactivos. Profesional da comunicación científica, especializada en educación científica e museos, é embaixadora de Europeana e coordina a sección de Innovación Educativa de Voz Natura. Participou en numerosos proxectos, nacionais e internacionais, de educación científica e é formadora de profesorado para introducir a ciencia na aula. Tamén colabora con diversos medios de comunicación, como Voz Natura e Prensa Escuela de La Voz de Galicia e Aquelando da Televisión de Galicia.
Jose Viñas é asesor no Centro de Innovación Educativa e Dixital (CIEDIX) de Galicia. Ganador de premios educativos como Innovagal, Premio Educa Abanca e Europeana, entre outros. Ganador de diversos premios en feiras de ciencia como Ciencia en Acción, Diverciencia e Exporecerca. Foi asesor pedagóxico de European Schoolnet no proxecto “Global Excursion” e mentor en proxectos internacionais. Actualmente é embaixador do proxecto Scientix (a comunidade para a ensinanza das ciencias en Europa), membro da xunta consultiva do proxecto europeo NBS (Nature Based Solutions) EduWorld e coordina a sección de Innovación Educativa de Voz Natura.
Bases de participación
O curso organízase para axudar ao profesorado e ao alumnado en dúas áreas da investigación STEM: unha primeira fase de planificación e realización da investigación e unha segunda fase para analizar os resultados, sacar conclusións e comunicar os resultados da investigación.
Descarga as bases de participación completas
